Қазақстанда ата-аналар балалардың көзінше зиянды әдеттерге жол бергені үшін қалай жауапқа тартылады

Желіде қазақстандық ата-аналарға балаларының бойында зиянды әдеттерді қалыптастырғаны үшін жауапкершілік күшейгені туралы ақпарат тарады. Жалған ақпаратқа қарсы іс-қимыл орталығының өкілдері мұның бұрмаланған ақпарат екенін айтты, деп хабарлайды KAZ.NUR.KZ.

Қазақстанда "балалардың бойында зиянды әдеттерді қалыптастырғаны үшін" ата-аналардың жауапкершілігі күшейтілді деген мазмұндағы хабарламалардың таралып жатқаны белгілі болды.

Жалған ақпаратқа қарсы іс-қимыл орталығының өкілдері желідегі жазбаларда құқық қолдану практикасы мен уәкілетті мемлекеттік органдардың ресми түсіндірмелері ескерілмегенін атап өтті. Онда заңнамаға қатысты субъективті пікірлер немесе авторлық интерпретациялар редакциялық ұстаным ретінде ұсынылған.

"Ақпаратты бұрмалау, әдетте, ел назарын назар аударту, аудиторияның белсенділігін арттыру, сондай-ақ құқықтық нормаларды репрессивті немесе шамадан тыс сипатта көрсетуге бағытталған", - дейді орталық өкілдері.

ІІМ Әкімшілік полиция комитетінің түсіндіруінше, заңнамада расында да Әкімшілік құқықбұзушылық туралы кодекстің 127-бабына сәйкес ата-ана міндеттерін орындамағаны үшін жауапкершілік көзделген.

Алайда бұл жауапкершілік автоматты түрде іске аспайды, заң нормасы мән-жайлардың жиынтығы негізінде белгіленеді. Мұндай факторларға алкогольді жүйелі түрде теріс пайдалану, баланың өмір сүруі мен дамуы үшін тиісті жағдайлардың болмауы, сондай-ақ ата-аналардың баланың психикалық және моральдық жағдайына теріс әсер ететін мінез-құлқы жатады.

"Әрбір іс жеке тәртіппен қаралады, ал шешім барлық мән-жайларды ескере отырып, тек сот арқылы қабылданады", - делінген хабарламада.

Жалған ақпаратқа қарсы іс-қимыл орталығы журналистерді, блогерлерді және сарапшыларды құқықтық нормалармен жауапкершілікпен жұмыс істеуге, уәкілетті органдардың ресми түсініктемелер сұратуға, сондай-ақ азаматтарды жаңылыстыруы мүмкін жеңілдетілген немесе алаңдатушы интерпретацияларға жол бермеуге шақырады.

Мәтіннен қате тапсаңыз, бізге жазыңыз