"Солтүстік өңірлерге ерекше мәртебе беру": Әділет министрлігі желіде тараған қауесетті жоққа шығарды

Әділет министрлігі желіде тараған жалған ақпаратқа байланысты мәлімдеме жасады, деп хабарлайды ведомствоға сілтеме жасаған KAZ.NUR.KZ.

"Кейінгі уақытта әлеуметтік желілерде әділет министрі Ерлан Сәрсембаев еліміздің солтүстік өңірлеріне ерекше құқықтық мәртебе беруді ұсынды деген мазмұндағы ақпарат таралып жатыр.

ҚР Әділет министрлігі аталған ақпараттың шындыққа сәйкес келмейтінін ресми түрде мәлімдейді", - делінген хабарламада.

Министрлік жалған ақпарат тарату ҚР заңнамасына сәйкес қылмыстық жауапкершілікке әкеп соғатынын ескертті.

"Барша азамат мен БАҚ-ты тек ресми дереккөздерге және тексерілген ақпаратқа сүйенуге шақырамыз!" - делінген хабарламада.

Мәтіннен қате тапсаңыз, бізге жазыңыз