Кейбір оқушыларды ақпан айында қосымша демалыс күтіп тұр

Үшінші тоқсанда бірінші сынып оқушылары қосымша демалысқа шығады, деп хабарлайды Оқу-ағарту министрлігіне сілтеме жасаған KAZ.NUR.KZ.

2025-2026 оқу жылының басталу және аяқталу мерзімдері, сондай-ақ каникул кезеңдері кестесіне сәйкес, бірінші сынып оқушыларына 9 ақпаннан 15 ақпанға дейін қосымша демалыс беріледі. 16 ақпанда қайта сабақ басталады.

Осылайша, бірінші сынып оқушылары үшін қосымша демалыс 7 күнге созылады.

Жалпы, үшінші тоқсан 10 оқу аптасынан тұрады. Көктемгі каникулда оқушылар 19 наурыздан 29 наурызға (29 наурызды қоса алғанда) дейін демалады.

Мәтіннен қате тапсаңыз, бізге жазыңыз