Шымкентте Ұйымдасқан қылмысқа қарсы күрес басқармасының бастығы қызметінен босатылды
Опубликовано:
Бүгін ішкі істер министрі Ержан Сәденов Шымкент полиция департаментінде көшпелі кеңес өткізді. Онда Ұйымдасқан қылмысқа қарсы іс-қимыл жұмысына қатаң сын айтылды, деп хабарлайды KAZ.NUR.KZ ІІМ-ге сілтеме жасап.
Ведомствоның ақпараттық медиапорталының хабарлауынша, ІІМ басшысы бейінді бөліністің қызметіндегі елеулі олқылықтарды, жұмыстың әлсіз ұйымдастырылғанын және нақты нәтижелердің жоқтығын атап өтіп, қылмыстық топтарды әшкерелеу мен аса қауіпті қылмыстардың жолын кесу қажеттігін атап өтті.
Анықталған кемшіліктерді ескере отырып, кадрлық шешімдер қабылданды. Қызметтік міндеттерін тиісінше орындамағаны үшін Ұйымдасқан қылмысқа қарсы күрес басқармасының бастығы және оның бөлімдерінің бірінің басшысы қызметтерінен босатылды.
Естеріңізге сала кетейік, бұған дейін осы жиын барысында министр Ержан Сәденов жеке құрамға Шымкент қаласы полиция департаментінің жаңа бастығы Мұхтар Қожаевты таныстырған. Ол бұған дейін ІІМ тергеу департаментін басқарған.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2340045-shymkentte-uiymdasqan-qylmysqa-qarsy-kures-basqarmasynyng-bastygy-qyzmetinen-bosatyldy/