Астана әуежайының өкілдері жолаушыларға ұшу кестесінде өзгерістер болатынын ескертті

Астана әуежайы жолаушыларға қолайсыз ауа райына байланысты рейстердің кешіктірілетінін ескертті, деп хабарлайды KAZ.NUR.KZ әуежайдың баспасөз қызметіне сілтеме жасап.

Нұрсұлтан Назарбаев атындағы халықаралық әуежайдың баспасөз қызметінің мәліметінше, алдағы тәулікте Қазақстанның бірнеше аймағында қар жауады, боран соғып, көктайғақ болады, кейде тұман түсіп, қатты жел соғады деп күтілуде.

"Астана халықаралық әуежайында қолайсыз ауа райына байланысты ұшу кестесіне өзгерістер енгізілуі мүмкін", - деді баспасөз қызметінің өкілі.

Бүгінге жоспарланған рейстер:

• Ұшып келетін 79 рейс;
• Ұшып шығатын 78 рейс.

Қазіргі жағдай:

• Ұшып келетін 10 рейс кешіктіріліп жатыр;
• Ұшып шығатын 2 рейс кейінге қалдырылды.

Кідірістің себебі – ауа райының қолайсыздығы.

"Жолаушылардан әуе компаниясынан рейс мәртебесін нақтылауды, сондай-ақ www.nn-аirport.kz сайтындағы әуежайдың онлайн рейстер туралы ақпарат тақтасындағы жаңа ақпараттарын бақылауды сұраймыз.

Әуежайдың барлық қызметі күшейтілген режимде жұмыс істеп тұр. Біз ұшу қауіпсіздігіне басымдық береміз. Түсіністік танытқандарыңыз үшін рақмет", - деп хабарлады баспасөз қызметі өкілдері.

Мәтіннен қате тапсаңыз, бізге жазыңыз