Таразда жедел жәрдем қызметінің екі көлігі балшыққа батып қалды

Таразда жедел медициналық жәрдемнің екі автокөлігі жолдың батпақты бөлігінде тұрып қалды. Олар өздігінен шыға алмаған, деп хабарлайды KAZ.NUR.KZ ТЖМ баспасөз қызметіне сілтеме жасап.

Ведомствоның баспасөз қызметінің хабарлауынша, құтқарушылар жедел жәрдем көліктеріне көмек көрсетті. Белгілі болғандай, жедел медициналық жәрдемнің екі автокөлігі жолдың батпақты бөлігіне тұрып қалған.

"Оқиға орнына ТЖМ бөлімшесі жедел жетті. Құтқарушылар жағдайды бағалап, жол қозғалысының қауіпсіздігін қамтамасыз етіп, арнайы техниканың көмегімен автокөліктерді жолдың қауіпсіз бөлігіне сүйреп шығарды", - делінген хабарламада.

Жеке құрамның үйлесімді әрі кәсіби іс-қимылдарының нәтижесінде аз уақыт ішінде жол қозғалысы қалпына келтіріліп, жедел жәрдем бригадалары қызметтік міндеттерін жалғастырды.

Мәтіннен қате тапсаңыз, бізге жазыңыз