Алматыда бұрынғы "Жетісу" қонақүйі бұзылып жатыр: әкімдік себебін түсіндірді (фото)

Алматыда бұрынғы "Жетісу" қонақүйі бұзылып жатыр. Қала әкімдігінің өкілдері бұған қатысты түсініктеме берді, деп хабарлайды KAZ.NUR.KZ.

Қалалық Мемлекеттік активтер басқармасының мәлімдеуінше, Гоголь көшесі, 45 мекенжайында орналасқан 1908 жылы салынған екі қабатты ғимарат тарихи және мәдени ескерткіштер тізіміне енгізілмеген және тарихи-мәдени мұра нысаны мәртебесіне ие болмаған.

"Әр жылдары бұл ғимаратта түрлі қалалық қызметтер орналасқан. Ал 2022 жылдан бастап техникалық жағдайының қанағаттанарлықсыз болуына байланысты ғимарат іс жүзінде пайдаланылмаған.

2025 жылы жүргізілген техникалық тексеру қорытындысы бойынша аталған нысан апатты деп танылып, қалпына келтіруге жарамсыз екені анықталған. Осыған орай ғимаратты бұзу туралы шешім қабылданды.

Қазіргі уақытта құрылыс нысанын сүру жұмыстары аяқталуға жақын. Ал жер телімі мемлекеттік жер қорына берілді", - делінген әкімдік түсіндірмесінде.

Мәтіннен қате тапсаңыз, бізге жазыңыз