ҰҚК іс қозғады: Павлодар облысы Қорғаныс істері жөніндегі департамент бастығы қызметінен кетті

Павлодар облысы Қорғаныс істері жөніндегі департаментінің бұрынғы бастығы Бекзат Оразовқа қатысты қылмыстық іс қозғалды, деп хабарлайды KAZ.NUR.KZ Қорғаныс министрлігіне сілтеме жасап.

Ведомствоның баспасөз қызметінің мәліметінше, Павлодар облысы Қорғаныс істері жөніндегі департаменттің бұрынғы бастығы подполковник Бекзат Оразовқа қатысты облыстық ҰҚКД қызметтік өкілеттігін асыра пайдалану фактісі бойынша қылмыстық іс қозғады.

Қазіргі уақытта қажетті тергеу іс-шаралары жүргізілуде.

"Қазақстан республикасы Қорғаныс министрінің тапсырмасы бойынша қызметтік тексеріс жүргізілді. Қорытындысы бойынша подполковник Оразов қызметінен босатылды.

Қылмыстық іс жүргізу заңнамасының талаптарына сәйкес және тергеу мүддесіне байланысты басқа ақпарат жария етілмейді", - деп хабарлады Қорғаныс министрлігі өкілдері.

Мәтіннен қате тапсаңыз, бізге жазыңыз