Алматы құтқарушылары тұрғындарды тауда қар көшкіні қаупі жоғары екенін ескертті

Алматы құтқарушылары қала тұрғындарын тауда қар көшкіні жүру қаупі жоғары екенін ескертті, деп хабарлайды KAZ.NUR.KZ қалалық ТЖД баспасөз қызметіне сілтеме жасап.

ТЖД мәліметінше, Алматыда 13 ақпанда тұман, көктайғақ және тауда қар көшкіні күтіледі. Алматы облысының кейбір таулы аймақтарында екпіні секундына 15-20 метрге дейін жететін жел соғады.

"Қала тұрғындары мен қонақтарына жолда абай болуға, сондай ақ тауға, алыс жолға шықпауға кеңес береміз. Көктайғақ кезінде сақтық шараларын сақтауды өтінеміз. Аяқ киімнің табаны жерге толық тиетіндей, асықпай жүріңіз, табаны таймайтын аяқ киім киіңіз, қолыңызды қалтаға салмаңыз – ол тепе-теңдікті сақтауға көмектеседі. Подъезд маңында, аялдамаларда және басқа да тайғақ жерлерден айналып өтіңіз. Қарт адамдарға — арнайы резеңке ұшы бар таяқ қолдануға кеңес береміз", - делінген хабарламада.

Одан бөлек құтқарушылар 2026 жылдың 13-16 ақпан аралығында Үлкен және Кіші Алматы су алаптарында қалың қар түсуіне және қар жамылғысының тұрақсыз болуына байланысты қар көшкіні жүруі мүмкін екенін ескертті.

"Көшкін жүру қаупі жоғары болуына байланысты, қарлы беткейлерге шықпауыңызды сұраймыз", - дейді олар.

Мәтіннен қате тапсаңыз, бізге жазыңыз