Шымбұлақ маңында сноуборд тепкен адам қар көшкінінің астында қалды (видео)

Шымбұлақта сноубордшы қар көшкінінің астында қалды. Курорт құтқарушылары оқиға орнына шұғыл жетіп, адам өмірін сақтап қалды, деп хабарлайды KAZ.NUR.KZ.

"Шымбұлақ" тау курорты өкілдерінің хабарлауынша, оқыс оқиға кеше курорт аумағынан тыс, "Чимбулачка" өзені маңында болған. Екі сноубордшы сырғанауға шыққан. Олардың қателігінен қар көшкіні жүріп, біреуі қалың қар астында қалған.

"Санаулы секундтар ішінде райдердің бірі қалың қар астында қалды. Тыныс алуға да, өз бетімен шығуға еш мүмкіндік болмады.

Екінші райдер абдырап қалмай, бірден курорттың аспалы жол операторына хабар берген. Ақпарат дереу курорттың Жедел әрекет ету орталығына жеткізілді.

Ski Patrol Shymbulak құтқарушылары оқиға орнына шұғыл аттанды. Әр минут маңызды болды. Іздеу, қарды аршу жұмыстары жүргізілді. Қуанышқа орай, адам өмірін сақтап қала алдық", - дейді курорт өкілдері.

Құтқарушылар қар көшкінінен сақ болуға шықарды.

"Құрметті райдерле! Фрирайд – еркіндік, адреналин және әсем көрініс. Сонымен қата ол – үлкен жауапкершілік. Дайындалған жолдардан тыс аймаққа шығар алдында ескерту белгілерін елеп, қар көшкіні қаупін мұқият бағалаңыздар. Сақ болыңыздар", - делінген хабарламада.

Посмотреть эту публикацию в Instagram

Публикация от ШЫМБҰЛАҚ ТАУ КУРОРТЫ ️ (@shymbulakmountainresort)

Мәтіннен қате тапсаңыз, бізге жазыңыз