Түркістандағы Қожа Ахмет Ясауи кесенесінің аумағында қауіпсіздік шарасы күшейтілді

Түркістандағы Қожа Ахмет Ясауи кесенесінің аумағы қоршалды. Аумаққа кіреберіске арнайы турникеттер қойылды, деп хабарлайды KAZ.NUR.KZ.

Мәдениет және ақпарат министрлігінің тапсырмасына сәйкес, Қожа Ахмет Ясауи кесенесінің аумағы қоршалып, аумаққа кіру 15 ақпаннан бастап арнайы турникеттер арқылы жүзеге асырылуда.

"Бұл аса маңызды істің мақсаты – бүкіл түркі әлемінің рухани ордасы, мемлекетіміздің мақтанышы, ұлт руханиятының ұстыны саналатын киелі кесененің сақталуын қамтамасыз ету, қауіпсіздік деңгейін арттыру және террористік сипаттағы ықтималды төмендету, сонымен қатар, келушілер қозғалысын реттеп, аумақта жүргізілетін жұмыстардың қауіпсіздігі мен бақылауын күшейту", - делінген "Әзірет Сұлтан" ұлттық тарихи-мәдени музей-қорығының әкімшілігі жариялаған хабарландыруда.

Кесенеге келушілер жеке құжаттарын көрсетіп, билет алып, қауіпсіздік құралдары арқылы тексерілген соң ғана аумаққа кіре алады.

Мәтіннен қате тапсаңыз, бізге жазыңыз