Наурыз мейрамы кезінде қосымша электрпойыздар қатынайды

Наурыз мейрамы кезінде қосымша электрпойыздар қатынап, кейбір пойыздың құрамы ұлғайтады, деп хабарлайды "Жолаушылар тасымалы" АҚ-ға сілтеме жасаған KAZ.NUR.KZ.

Мереке күндері келесі бағытта қосымша қала маңындағы пойыздар қатынайды:

• 2026 жылғы 20 және 21 наурыз – №7510 "Астана – Павлодар" электрпойызы;
• 2026 жылғы 25 наурыз – №7509 "Павлодар – Астана" электрпойызы;
• 2026 жылғы 25 наурыз – №6803/6804 "Астана – Атбасар" электрпойыздары;
• 2026 жылғы 25 наурыз – №887/888 "Нұрлы жол – Бурабай курорты" электрпойызы.

Сонымен қатар 2026 жылғы 20, 22 және 24 наурыз күндері №606/605 "Қарағанды – Балқаш" жолаушылар пойызының құрамына екі қосымша вагон (1 купе және 1 плацкарт) тіркеледі.

"Нәтижесінде жолаушыларға қосымша 2177 орын ұсынылады. Бұл мереке күндері теміржол тасымалына деген жоғары сұранысты қамтамасыз етіп, жолаушылардың сапарын барынша жайлы ұйымдастыруға мүмкіндік береді", - делінген хабарламада.

Қосымша ақпаратты 1433 нөмірі арқылы алуға болады.

Мәтіннен қате тапсаңыз, бізге жазыңыз