Бүгін Олимпиада жүлдегерлері Зүлфия Чиншанло мен Игорь Сон Токиодан елге оралды. Спортшыларды Алматы әуежайынан жанкүйерлері мен журналистер күтіп алды деп жазады KAZ.NUR.KZ тілшісі.
Олимпиадашылар мінген рейс 20:15-те келген. Осы уақытқа дейін жанкүйерлер Алматы әуежайына жиналды. Олар өздерімен бірге плакаттар мен ту ала келген.
Ал спортшылар келесі сайыстарға дайындалатынын айтты.
Зүлфия Олимпиадада өзіне достары мен қазақстандықтардың қолдау көрсеткенін атап өтті. Ол біраз уақыт демалып, содан кейін келесі шыңдарды бағындыруға дайындалмақ.
Игорь Сон болса медаль үшін күрескенін, алайда үшінші орын алған кезде сенер-сенбесін білмегенін айтады.
Ауыр атлет қарсыластарының өте мықты болғанын, бірінші орынға бес адамның таласқанын айта кетті.
Әуежайдан шыға салысымен спортшыларды жанкүйерлері күтіп алып, суретке түсті. Сондай-ақ қазақстандықтар қос зілтеміршіні құттықтап, жылы лебіздерін білдірді.
Мақаланың түпнұсқасы: https://kaz.nur.kz/sport/other-sports/1924465-olimpiada-zuldegerleri-igor-son-men-zulfiya-cinsanlo-elge-oraldy-foto/
