Қазақстандық делегация Белградтағы (Сербия) бокстан әлем чемпионатында Абылайхан Жүсіповтің жартылай финалдағы жекпе-жек нәтижесіне шағым түсірді, деп хабарлайды Prosports.kz.
Шағым қанағаттандырылған жоқ. Айта кетейік, 67 келіге дейінгі салмақ дәрежесіндегі жекпе-жек Жапония өкілінің жеңісімен аяқталған болатын.
Осылайша, Абылайхан Жүсіпов әлем чемпионатының үш дүркін қола жүлдегері атанды.
Еске салайық, отандық боксшы Серік Теміржанов кубалық нокдаунға жіберіп, финалға шықты. Әлем біріншілігінің ақтық сайысында алтын медальға Серіктен бөлек, Теміртас Жүсіпов (48 келі), Сәкен Бибосынов (51 келі) және Махмұд Сабырхан (54 келі) таласады.
Мақаланың түпнұсқасы: https://kaz.nur.kz/sport/boxing/1940663-bokstan-ac-qazaqstan-zusipovtin-zartylai-finaldagy-zekpe-zek-natizesine-sagym-tusirdi/
