Теміртас Жүсіпов 33 жасында бокстан әлем чемпионы атанды
Опубликовано:
Бокстан Белградтағы әлем чемпионатында финалдық кездесулер басталды. Қазақстан командасына алғашқы алтын медальді Теміртас Жүсіпов алып берді деп хабарлайды KAZ.NUR.KZ тілшісі.
48 келіге дейінгі салмақта финалда бақ сынаған Теміртас Жүсіпов таиландтық Вуттичай Юрачайды ұтып, әлем чемпионы атанды.
Ол үшінші раундта қарсыласын нокдаунға жіберіп, айқын басымдықпен жеңіске жетті.
Бұл 33 жастағы тәжірибелі спортшының өз мансабындағы ең үлкен жеңісі. Бұған дейін Жүсіпов әлемдік додаларда жүлдеге ілікпеген.
Теміртас Жүсіпов - Азия чемпионы әрі Қазақстанның бес дүркін жеңімпазы.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/boxing/1940852-temirtas-zusipov-33-zasynda-bokstan-alem-cempiony-atandy/