Футбол королі Пеленің жағдайы мүшкіл. Ол қазіргі таңда аурухана төсегіне таңылып, жақындарымен қоштасып жатыр, деп хабарлады белгілі бизнесмен Фрэнк Халид Twitter-дегі жазбасында.
"Пеле аурухана төсегінде жақындары және достарымен қоштасып жатыр. Футбол аңызы Пеле ракпен күресте жеңіліп барады. Жақындары оның жағдайы мүлде нашарлар кеткенін айтты", - жазды Халид.
Аңызға айналған футболшы 29 қараша күні ауруханаға түскен болатын. Ол тоқ ішектің қатерлі ісігіне ұшыраған.
82 жастағы ойыншы әлем чемпионатын үш рет жеңіп алған тарихтағы жалғыз футболшы саналады.
Жанкүйерлер Пелені "футбол королі" атап кеткен.
Мақаланың түпнұсқасы: https://kaz.nur.kz/sport/football/2003147-zaqyndarymen-qostasuda-belgili-biznesmen-aigili-pelenin-xal-ustinde-zatqanyn-aitty/
