Қазақстан құрамасының бұрынғы қақпашысы Алмат Бекбаев Мәскеуде өткен "Аңыздар кубогінде" әйгілі франциялық ойыншымен ерегесіп қалды. Бұл туралы Meta Ratings сайтына сілтеме жасаған KAZ.NUR.KZ хабарлайды.
"Аңыздар кубогі" матчында Бекбаев ТМД құрамасында өнер көрсетіп, әлемдік футбол жұлдыздарына қарсы шықты. Матч кезінде Бекбаев әйгілі Франция құрамасы мен "Челси" ойыншысы Флоран Малудамен қақтығысып қалған.
"Малудамен кикілжің кезінде эмоцияға беріліп кеттім. Менің оған қарсы ереже бұзғаным Малудаға ұнамай қалды. Мұны төбелес деп айтпас едім. Жай ерегес. Кейін қонақүйде татуластық. Барлық командалар бір локацияда тұрды", - дейді Бекбаев.
"Аңыздар кубогі" - танымал футбол жұлдыздарымен өтетін жыл сайынғы турнир. Бұл сында ТМД құрамасын 6:4 есебімен жеңген ресейліктер топ жарды. ТМД құрамасында қазақстандықтар Алмат Бекбаев пен Фархадбек Ырысметов сынға түскен.
Әлемдік футбол жұлдыздары арасынан турнирге Майкон, Эрик Абидаль, Флоран Малуда, Эстебан Камбьяссо, Педру Мендеш, Алехандро Домингес және басқалары қатысты.
Мақаланың түпнұсқасы: https://kaz.nur.kz/sport/other-sports/2009193-qazaqstan-quramasynyn-eks-qaqpasysy-almat-bekbaev-aigili-franciyalyq-oiynsymen-eregesip-qaldy/
