Өскеменде тұрғын үй кіреберісінде атыс болып, белгілі спортшы қаза тапты

Өскемен қаласында белгілі спортшы, спорт шебері Эльер Юнусметов cенбі күні атыс кезінде қаза тапқаны белгілі болды. Спортшы туған ауылында жерленеді, деп хабарлайды YK-news.kz.

Басылымның мәліметінше, Өскемендегі атыс кезінде 1990 жылы туған белгілі спортшы Эльер Юнусметов қаза тапқан.

Ол Катонқарағай ауданы, Үлкен Нарын ауылында дүниеге келген. Юнусметов спорттағы алғашқы қадамын 5 жасында бастаған, оның алғашқы жаттықтырушысы өз әкесі болған.

Эльер Юнусметов әскери борышын өтеп, Экономика және қаржы колледжін заңгер-кеңесші мамандығы бойынша тәмамдаған.

Катонқарағай ауданы әкімдігінің мәліметінше, Эльер Юнусметов спортта мынадай атақтарға ие болды:

• жекпе-жектен (ММА) халықаралық дәрежедегі спорт шебері; кикбоксинг бойынша спорт шебері; Кудодан спорт шебері;
• Жекпе-жектен әлем кубогының жеңімпазы және Еуразия чемпионы;
• "Катунь шайқасы" Гран-при жүлдесінің иегері (Ресей Федерациясы).

Ол бразилиялық джиу-джитсу және грэпплинг "Барыс QTT" клубында жаттығып жүрген болатын.

Туыстарының айтуынша, Эльер Юнусметов туған ауылында жерленеді.

Мәтіннен қате тапсаңыз, бізге жазыңыз