Головкин әскерде жүріп мерт болған бауырларын еске алып, көпшілікті елжіретті

Жеңіліп көрмеген қазақстандық боксшы Геннадий Головкин Ұлыбританияның The Telegraph басылымына берген сұхбатында 16 қыркүйекте мексикалық Сауль Альвареске қарсы өткізетін жекпе-жегін кімге арнайтынын мәлімдеді деп хабарлайды Baq.kz.

«Кеңес Одағы күйрегеннен кейін өмір сүру қиын болды. Жұмыс табу оңай емес еді, бірдеңеге қол жеткізу үшін төбелесуге тура келді», - деп еске алды Геннадий.

GGG-дің айтуынша, ағалары Вадим мен Сергей оны бала күнінде жасы үлкен балалармен төбелестіріп, өзін қорғауды үйретіпті. Өкінішке қарай бауырлары әскерде белгісіз жағдайда қаза болған.

Тағы оқыңыздар: Атырауда мектепке сыймаған оқушылар дәлізде оқуға мәжбүр

«Ол кезде мен балабақшаға баратынмын. Күнде әр түрлі баламен төбелесіп жүрдім. 10 жасқа толған кезімде ағам Вадим алғаш рет бокс залына алып барды, мен қатты ұруды білетінмін, сондықтан жаттықтырушы жекпе-жекке үнемі үлкендермен шығаратын. Боксқа алғаш рет ағаларым баулыды.

Мен жекпе-жегімді соларға және әкеме арнаймын және өз отбасым үшін жұдырықтасамын», - деп түйіндеді сөзін Головкин.

Мәтіннен қате тапсаңыз, бізге жазыңыз