Танымал журналист Джефф Аранау Boxingnews24.com интернет порталына жариялаған мақаласында Генадий Головкиннің алдағы жоспарларына қатысты пікір білдірді деп хабарлайды Sports.kz.
Спорт шолушысының айтуынша, егер GGG DAZN ақпараттық серіктестің шартына қол қоймаса, Сауль Альвареспен үшінші жекпе-жекті ұйымдастыру қиын болады.
Дегенмен, журналист Аранау қазақстандық боксшыға басқа қарсыластар ұсынды.
"Егер ол Premier Boxing Champions-пен келісімшартқа отырса, Головкиннің боксын Showtime PPV көрсететін болады. Ол Джермалл Чарло немесе Каллум Смит сынды боксшылармен кездесу арқылы жақсы ақша таба алады", - деді мақала авторы.
Еске сала кетсек, өткен жылы қыркүйек айындағы қарымта кездесуде Головкин мексикалық "Канелодан" төрешілердің шешімімен жеңілген болатын. Бұған дейін қазақстандық боксшы бірде-бір рет ұтылып көрмеген еді.
Нәтижесінде, GGG барлық чемпиондық белбеулерінен айырылды.
Мақаланың түпнұсқасы: https://kaz.nur.kz/sport/boxing/1773479-zaksy-aksa-tabady-golovkinge-alvaresti-ornyna-eki-kezdesu-synyldy/
