Бокстан Әлем чемпионаты: Бүгін жарыс жолына кім шығады

Үндістанда бокстан әйелдер арасындағы әлем чемпионаты басталғаны белгілі. Бүгін Жазира Орақбаева жарыс жолына шығады, деп хабарлайды KAZ.NUR.KZ тілшісі.

52 келіге дейінгі салмақта ел намысын қорғайтын Жазира Орақбаева Тайвань өкілі Чань Ча-Cуньмен жұдырықтасады.

Жекпе-жек Астана уақытымен 14.30-басталады деп жоспарланып отыр.

Қазақстандықтар аталған кездесуде Qazsport арнасынан тікелей эфирде көре алады.

Айта кетейік, бокстан әлем біріншілігі 14-26 наурыз күндері Үндістан елінің астанасы Нью-Дели қаласында өтеді.

Байрақты бәсекеге Қазақстан толық құрамда келді.

Мәтіннен қате тапсаңыз, бізге жазыңыз