Оңтүстік Африка Республикасының Дурбан қаласында өтетін үстел теннисінен жекелей сындағы әлем чемпионатында өнер көрсететін қазақстандықтар қатары толықты, деп хабарлайды KAZ.NUR.KZ тілшісі Спортты дамыту дирекциясына сілтеме жасап.
Халықаралық үстел теннисі федерациясы (ITTF) Зәуреш Акашева мен Сарвиноз Миркадированың жекелей сында бақ сынай алатынын растады.
Екі қазақстандық спортшының да рейтингтегі ұпай саны жеткілікті.
Осыған дейін Зәуреш Акашева әйелдер арасында жұптық және аралас жұптық сында жолдама алып үлгерген.
Айта кетейік, осыған дейін Ұлттық құрама сапынан Кирилл Герасименко (жекелей және жұптық сында), Алан Құрманғалиев (жұптық сын), Айдос Кенжеғұлов (аралас жұптық сын), Зәуреш Акашева (аралас жұптық сын), Денис Жолудев/Сағынтай Құрмамбаев (жұптық сын), Зәуреш Акашева/Анастасия Лаврова (жұптық сын) жылдың басты бәсекесіне жолдама иеленген.
Әлем чемпионаты ОАР-да 20-28 мамыр аралығында өтеді.
Мақаланың түпнұсқасы: https://kaz.nur.kz/sport/boxing/2016456-alem-cempionatyna-zoldama-aldy-tagy-eki-otandyq-sportsy-zoldama-aldy/
