Қазақстандық боксшы IBF рейтингінде үздік бестікке енді

Халықаралық бокс федерациясы (IBF) барлық салмақ дәрежесінің рейтингін жаңартты, деп хабарлайды Sports.kz.

Екінші орта салмақта Әли Ахмедов алтыншы сатыдан бесінші орынға көтерілді. Бұл дивизиондағы чемпион атақ мексикалық Сауль "Канело" Альвареске тиесілі.

Ал үздік үштіктің арасында кубалық Уильям Скулл, ресейлік Владимир Шишкин және америкалық Эдгар Берланга бар.

Мейірім Нұрсұлтанов орта дивизионда жетінші орнын сақтап қалды. Бұл салмақта IBF әлем чемпионы титулы бос тұр. Бразилия өкілі Эскива Фалькао тізімде бірінші, аустралиялық Майкл Зерафа екінші және неміс боксшысы Винченцо Гуальтиери үшінші орында.

Екінші жеңіл салмақта Сұлтан Зәуірбек 14-сатыда орналасқан.

Бұл салмақта әлем чемпионы – тәжікстандық Шавкат Рахимов, рейтингтің алғашқы екі орны бос қалған, үшінші орында британиялық Джозеф Кордина тұр.

Мәтіннен қате тапсаңыз, бізге жазыңыз