Кәсіпқой бокста жеңіліп көрмеген Евгений Павлов кезекті кездесуін өткізді, деп хабарлайды KAZ.NUR.KZ тілшісі.
Бұл туралы Suleimen Promotions компаниясының баспасөз қызметі Instagram желісіндегі парақшасында жазды.
"Біздің батырымыз Евгений Павлов кезекті жеңісіне қол жеткізді. Боскшымыз бұл жолы мексикалық қарсыласы Кэвин Родригес Гарсияны 6 раундқа жоспарланған жекпе-жектің 1 раундында-ақ нокаутқа түсірді. Осылайша өз мансабындағы 10-ы жеңісіне қол жеткізіп, жеңілісссіз сериясын жалғастырды", - делінген хабарламада.
Еске сала кетейік, Евгений Павлов екінші орта салмақтағы "абсолютті" чемпионы Сауль "Канело" Альвареспен бір залда жаттығады.
7 мамыр күні мексикалық боксшының андеркардында Бек Нұрмағанбет пен Әбілхан Аманқұл шаршы алаңға көтерілмек.
Мақаланың түпнұсқасы: https://kaz.nur.kz/sport/boxing/2019373-kanelonyn-zalynda-zattygatyn-qazaqstandyq-bokssy-qarsylasyn-1-raundta-nokautqa-tusirdi/
