Бокстан Ташкентте өтіп жатқан Әлем чемпионатында Серік Теміржанов алғашқы кездесуін өткізді, деп хабарлайды KAZ.NUR.KZ тілшісі.
57 келіге дейінгі салмақта ел намысын қорғап жатқан отандық боксшы 1/16 финалда Мали өкілі Абдул Карим Батилимен жұдырықтасты.
Тартысты өткен жекпе-жекте Серік Теміржанов төрешілердің шешімімен жеңіске жетті. Есеп 5:0.
Осылайша, қазақстандық боксшы Ташкентте өтіп жатқан әлем біріншілігінің келесі кезеңіне жолдама алып отыр.
Айта кетейік, Серік Теміржанов 2021 жылғы Әлем чемпионатының және 2022 жылғы Азия біріншілігінің жүлдегері.
Мақаланың түпнұсқасы: https://kaz.nur.kz/sport/boxing/2019549-serik-temirzanov-bokstan-taskentte-otip-zatqan-alem-cempionatyn-zenispen-bastady/
