Әлем чемпионаты: алғашқы раундта нокдаун алған отандық боксшы жеңісті жұлып алды

Бокстан Ташкентте өтіп жатқан Әлем чемпионатында Нұрқанат Райыс алғашқы жекпе-жегін өткізді, деп хабарлайды KAZ.NUR.KZ тілшісі.

75 келіге дейінгі салмақта ел намысын қорғап жатқан Нұрқанат Райыс 1/16 финалда Доминикан Республикасының өкілі Дельгадо де лос Сантоспен жұдырықтасты.

Тартысты өткен жекпе-жекте төрешілердің шешімімен қазақстандық боксшы жеңіске жетті.

Айта кетейік, жекпе-жектің алғашқы раундында Нұрқанат Райыс нокдаун алса да, кездесуді өз пайдасына шеше білді.

Осылайша, Нұрқанат Райыс Ташкентте өтіп жатқан Әлем чемпионатының келесі айналымына жолдама алды.