Кәсіпқой бокста өнер көрсетіп жүрген Абылайхан Жүсіповтің келесі кездесуіне қатысты ақпарат шықты. Бұл туралы Sports.kz хабарлайды.
Top Rank промоутерлік компаниясының баспасөз қызметі ұсынған ақпаратқа сәйкес, Абылайхан 26 тамыз күні Тулса қаласында (Оклахома, АҚШ) өтетін бокс кешінде шаршы алаңға оралады деп күтілуде.
Отандық былғары қолғап шеберінің қарсыласы әзірге белгісіз.
Жартылай орта салмақтағы жекпе-жек сегіз раундқа жоспарланған.
Айта кетейік, Абылайхан Жүсіпов 2014 жылғы жасөспірімдер Олимпиадасының чемпионы. Әлем чемпионаттарының үш дүркін қола жүлдегері (2017, 2019, 2021).
2017 жылғы Азия біріншілігінің күміс медаль иегері.
Мақаланың түпнұсқасы: https://kaz.nur.kz/sport/boxing/2029583-abylaixan-zusipovtin-kelesi-kezdesuine-qatysty-aqparat-syqty/
