Азия ойындары: қазақстандық боксшылардың алғашқы қарсыластары анықталды

Ертең Ханчжоуда ресми түрде ашылатын жазғы Азия ойындарында боксшылар ережесі тартылды. Бұл туралы KAZ.NUR.KZ хабарлайды.

Қазақстандық боксшылардың алғашқы айналымдағы қарсыластары:

51 келі. 1/16 финал. Сәкен Бибосынов — Орхонту Оноблд (Моңғолия)

57 келі. 1/16 финал. Махмұд Сабырхан — Ичен Ли (Оңтүстік Корея)

63,5 келі. 1/16 финал. Ертуған Зейнуллинов— Обада Алкасбех (Иордания)

71 келі. 1/8 финал. Асланбек Шымбергенов— Сан Ли (Оңтүстік Корея) / Пел Ван (Қытай)

80 келі. 1/8 финал. Нұрбек Оралбай (Қазақстан) — Тоқтарбек Таңатқан (Қытай)

92 келі. 1/8 финал. Сағындық Тоғамбай (Қазақстан) — Бариахаан Дорж (Моңғолия)

+92 келі. 1/4 финал. Қамшыбек Қоңқабаев — Данис Латыпов (Бахрейн) / Мохаммед Млайес (Сирия).

Айта кетелік, жазғы Азия ойындарында тұңғыш рет бокстан Париж Олимпиадасының жолдамасы сарапқа салынады.

Әр салмақта финалға шыққан екі боксшыға Олимпиада жолдамасы беріледі.

Мәтіннен қате тапсаңыз, бізге жазыңыз