Қазақстандық танымал боксшы, әлем чемпионы Санжар Ташкенбай қасиетті Меккеге барып, қажылық парызын атқарды, деп хабарлайды KAZ.NUR.KZ.
Спортшының қасиетті мекенге сапары жайлы Instagram желісінен белгілі болды. Санжар Ташкенбай парақшасында қағбаның қасында түскен суретін жариялады.
Боксшы кіші қажылыққа жақындарымен бірге барған екен.
"Алланың қалауымен қасиетті Меккеге келіп, умра қажылығын өтеу нәсіп етіпті. Алла құлшылығымызды қабыл етсін", - деген жазба қалдырды Ташкенбай.
Санжар Ташкенбай осы жылдың мамыр айында Ташкентте өткен әлем біріншілігінде жеңіске жетіп, әлем чемпионы атанды. 48 келіге дейінгі салмақта сынға түскен отандасымыз финалда грузиялық Сахил Алахвердовиді тізе бүктірді.
Мақаланың түпнұсқасы: https://kaz.nur.kz/sport/boxing/2040734-bokssy-sanzar-taskenbai-mekkege-baryp-keldi-foto/
