Америкалық файтер Нейт Диаз бен Джейк Пол жақын арада екінші рет жұдырықтасуы мүмкін, деп хабарлайды KAZ.NUR.KZ MMAFightingonSBN Youtube арнасына сілтеме жасап.
Америкалық промоушен PFL-дың басшысы Донн Дэвис кезекті сұхбатында Нейт Диаз мен Джейк Полдың реваншын тілге тиек етті.
"Бұл жекпе-жекті қуана ұйымдастырамыз. Нейт Диаз бен Джейк Полдың реваншына 15 миллион доллар жұмсауға дайынбыз. Джейк Пол дайын екенін айтқан еді. Бізде жекпе-жек өткізу үшін керемет инфрақұрылым бар", – деді Донн Дэвис.
Еске салайық, 2023 жылдың тамыз айында Нейт Диаз бен Джейк Пол бокс ережесі бойынша жұдырықтасты. 10 Раундқа жоспарланған кездесу қорытындысы бойынша Джейк жеңіске жеткен еді.
Мақаланың түпнұсқасы: https://kaz.nur.kz/sport/boxing/2047076-neit-diaz-ben-dzeik-poldyn-ekinsi-zekpe-zegi-zosparlanyp-otyr/
