Америкалық кәсіпқой боксшы Флойд Мейвезер қазіргі таңдағы ең үздік үш боксшының есімін атады. Бұл туралы KAZ.NUR.KZ Inside Fightting Youtube арнасына сілтеме жасап хабарлайды.
Флойдтың ойынша, барлық жағынан бірдей дамыған боксшы ғана өзін чемпион деп санай алады.
"Ауыр соққы жасай алатын боксшылар әлемге танылған. Ондай спортшылар көп дей алмаймын. Десе де Канело, Райан Гарсия және Джервонта Дэвис кәсіпқой бокстың бүгінгі жұлдыздары. Кейбір боксшылар бірнеше титул жеңгеннен кейін өзін жұлдыз сезініп кетеді. Десе де бокста атыңды қалдыру үшін титул жеңіп алу жеткіліксіз.
Барлық жағынан бейімді боксшы ғана нағыз жұлдыз. Керек кезде сөйлеп, ал қажет емес жағдайда үндемей білу керек. Сонда ғана нағыз жұлдызсың!", – деді Мейвезер.
Айта кетейік, Флойд Мейвезер кәсіпқой боксшы мансабын 2017 жылы аяқтаған еді. Америкалықтың соңғы жекпе-жегі – UFC файтері Конорға қарсы өткізген шоу-жұдырықтасу.
Мақаланың түпнұсқасы: https://kaz.nur.kz/sport/boxing/2053887-floid-meivezer-alemdegi-en-uzdik-us-bokssynyn-esimin-atady/
