Қазақстандық боксшы Ангелина Лукас кәсіпқой рингте оныншы рет жеңіске жетті. Бұл туралы KAZ.NUR.KZ тілшісі хабарлайды.
Бангкоктегі (Тайланд) кәсіпқой бокс кешінде Ангелина Лукас индонезиялық Хармо Йестимен жұдырықтасты. Бұл жекпе-жекте төрешілер жеңісті бірауыздан қазақстандық боксшыға берді.
Осылайша, Ангелина кәсіпқой рингте оныншы рет жеңіске жетті. Ал Йести мансабында төртінші мәрте жеңіліске ұшырады.
Еске салайық, Ангелина Лукас алдыңғы жекпе-жегінде үндістандық спортшы Мамта Сингхті бесінші раундта техникалық нокаутпен жеңіп, WIBF және WBF нұсқалары бойынша екінші жеңіл салмақтағы әлем чемпионы белбеулеріне ие болған еді. Сондай-ақ ол ең жеңіл салмақ дәрежесінде өнер көрсететін боксшы қыздардың рейтингінде үздік ондыққа кірді.
Мақаланың түпнұсқасы: https://kaz.nur.kz/sport/boxing/2109624-qazaqstandyq-boksshy-angelina-lukas-kasipqoi-ringte-onynshy-ret-zhengiske-zhetti/
