Әйелдер арасындағы кәсіпқой бокста өнер көрсететін боксшы Ангелина Лукас жеңіл салмақтың екі чемпиондық белбеуі үшін титулдық жекпе-жек өткізді. Бұл туралы KAZ..NUR.KZ тілшісі хабарлайды.
Жекпе-жек Таиланд астанасы Бангкок қаласында өтті. Лукастың қарсыласы үндістандық спортшы Мамта Сингх болды. Боксшылар WIBF және WBF нұсқалары бойынша екінші жеңіл салмақтағы екі әлем чемпионы белбеулерін сарапқа салды.
Ангелина Лукас қарсыласын бесінші раундта техникалық нокаутпен жеңді. Қазақ боксшысы үшін бұл жеңіс мансабындағы тоғызыншысы. Қазіргі уақытта спортшы төрт рет қатарынан жеңіске жетіп отыр.
Айта кетейік, 10 сәуірде бокстан әйелдер арасындағы спаррингтік турнир аяқталған еді. Сол жарыстың қорытындысы бойынша Олимпиадаға іріктеу турниріне баратын боксшы қыздар анықталды.
Мақаланың түпнұсқасы: https://kaz.nur.kz/sport/boxing/2091206-qazaqstandyq-boksshy-qyz-qarsylasyn-nokautpen-zhengip-eki-chempiondyq-titulga-ie-boldy/
