Асланбек Шымбергенов Олимпиаданың алғашқы айналымында не себепті жеңілгенін түсіндірді (видео)

Париж Олимпиадасында 71 кг дейінгі салмақ дәрежесінде шаршы алаңға шыққан боксшы Асыланбек Шымбергенов бірінші кездесуінде жеңіліп қалды. Құрама капитаны алғашқы айналымда не себепті есе жібергенін түсіндірді, деп жазады KAZ.NUR.KZ тілшісі.

Боксшының сұқбаты "Хабар" арнасының Instagram желісіндегі парақшасында жарияланды.

"Бәрі ойдағыдай болатын. Шаршы алаңға шықтық, қолымыздан келгеннің бәрін жасадық. Алланың қалауы сол болып тұр. Көнеміз, енді не істейміз? Мықты болып ораламыз, Алла қаласа", - деді Асланбек Шымбергенов.

Боксшы алдағы Олимпиадаға қатысуы мүмкін екенін жоққа шығармады. Ол журналистің "Бұл соңғы Олимпиада емес, әлі алдымызда 2028 бар. Қатысасыз ғой?!" деген сұрағына "Құдай қаласа" деп қысқа жауап берді.

Айта кетейік, бүгін Франция астанасы Париждегі жазғы Олимпиада ойындары бокс бәсекесінде қазақстандық спортшы Асыланбек Шымбергенов 1/16 финалдық кезеңдегі кездесуін өткізді.

Алғашқы айналымда қазақстандық боксшы нигериялық Зейяд Ишаишпен шеберлік байқасты. Нәтижесінде төрешілердің шешімімен (28:29, 27:30, 30:27, 28:29, 30:27) отандасымыз жарыс жолынан шығып қалды.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз