Бірінші орта салмақта жұдырықтасатын қазақстандық боксшы Садриддин Ахмедов (14-0, 12 КО) АҚШ-тағы жеңісінен соң Дүниежүзілік бокс кеңесінің (WBC) рейтингіне енді. Бұл туралы KAZ.NUR.KZ хабарлайды.
Cадриддин Ахмедов 31 тамызда Санта-Йнесе қаласында (Калифорния, АҚШ) өткен бокс кешінде жекпе-жекке шыққан еді. Ол америкалық боксшы Антонио Тоддпен жұдырықтасып, бірінші раундта нокаутпен ұтқан болатын. Осылайша кәсіпқой рингте 14-рет жеңіске жетті (оның 12-сі мерзімінен бұрын).
Осы жеңістен кейін Ахмедов Дүниежүзілік бокс кеңесінің (WBC) рейтингіне 30-нөмірмен енді. Бірінші орта салмақтағы WBC әлем чемпионы белбеуі АҚШ cпортшысы Себастьян Фундораға тиесілі. Ал рейтингтегі үздік үштіктің қатарында америкалық Эррол Спенс, украиналық Сергей Богачук және өзбекстандық Исраил Мадримов бар.
BoxRec.com порталының мәліметінше, Ахмедовтың келесі жекпе-жегі 13 желтоқсанда Санта-Инездеде (Калифорния, АҚШ) өтеді. Қарсыластың есімі әлі белгісіз. Жекпе-жек промоутер Том Леффлердің 360 Promotions шоуы аясында болады.
Мақаланың түпнұсқасы: https://kaz.nur.kz/sport/boxing/2163835-aqsh-ta-nokautpen-zhenggen-qazaqstandyq-boksshy-wbc-reitingine-endi/
