Махмұд Сабырхан 57 кг салмақ дәрежесінің финалында ойсырай жеңілді

Бүгін, 4 қазанда Шымкентте Қарақозы Әбдалиевті еске алуға арналған халықаралық бокс турнирінің финалдық жекпе-жектері өтеді. Бұл туралы KAZ.NUR.KZ Қазақстан бокс федерациясының Instagram желісіндегі ресми парақшасына сілтеме жасап хабарлайды.

Қарақозы Әбдалиевті еске алуға арналған халықаралық бокс турнирінің 57 кг салмақ дәрежесінің финалында Махмұд Сабырхан мен Оразбек Асылқұлов қолғап түйістірді. Шымкентте өткен тартысты финалда Оразбек Асылқұлов Париж Олимпиадасының қатысушысы Махмұд Сабырханды 4:1 есебімен жеңді.

Ал финал жарыстарының алғашқы жекпе-жегінде 51 кг салмақ дәрежесінде Дамир Әбдіқадыр Даниял Сәбиттен басым түсіп, Қарақозы Әбдалиевті еске алуға арналған халықаралық турнирдің жеңімпазы атанды.

Бүгін, 4 қазанда Шымкентте Қарақозы Әбдалиевті еске алуға арналған халықаралық бокс турнирінің финалдық жекпе-жектері өтеді:

• 48 кг: Санжар Тәшкенбай – Теміртас Жүсіпов (Санжар Тәшкенбай жарақатына байланысты жекпе-жекке қатыспайды);
• 51 кг: Дамир Абдыкадыр – Даниял Сәбит;
• 54 кг: Сәкен Бибосынов – Нұрсұлтан Алтынбек (Сәкен Бибосынов жарақатына байланысты жекпе-жекке шықпайды);
• 57 кг: Оразбек Асылқұлов – Махмұд Сабырхан;
• 60 кг: Серік Теміржанов – Бейбарыс Жексен;
• 63,5 кг: Ертуған Зейнуллин – Жандос Қыдырәлі;
• 67 кг: Мұхаммедсабыр Базарбайұлы – Илья Калинин;
• 71 кг: Сабыржан Аққалықов – Абылайхан Жүсіпов;
• 75 кг: Диас Молжігітов – Нұрқанат Райыс;
• 80 кг: Ерасыл Жақпеков – Никита Засенок (Украина);
• 86 кг: Бекзат Нұрдәулетов – Темірлан Мұқатаев;
• 92 кг: Сағындық Тоғамбай – Абзал Құттыбеков;
• +92 кг: Айбек Оралбай – Нұрлан Сапарбай.

Айта кетейік, финалдық жекпе-жектер Астана уақыты бойынша 12:00-де басталды. Турнирдің қорытындысы бойынша жаттықтырушылар штабы алдағы ірі жарыстарға құрамды жасақтайтын болады.