Ресми: Жәнібек Әлімханұлының келесі қарсыласы анықталды

Бүкіләлемдік бокс ұйымы (WBO) орта салмақтағы әлем чемпионы Жәнібек Әлімханұлының чемпиондық атағын британиялық Хамза Ширазқа қарсы қорғайтынын ресми түрде мәлімдеді. Бұл туралы KAZ.NUR.KZ WBO-ның ресми сайтына сілтеме жасап хабарлайды.

WBO-ның мәлімдемесіне сүйенсек, Жәнібек Әлімханұлы мен Хамза Шираздың командалары бүгіннен бастап 15 күн ішінде жекпе-жекке келісіп, кездесудің өтетін орны мен уақытын белгілеу қажет.

Егер тараптар келіспесе, жекпе-жек промоутерлік сатылымға өтеді.

Бұған дейін WBO қазақстандық боксшы Жәнібек Әлімханұлын әлем чемпионы атағынан айыруы мүмкін екендігі туралы мәлімдеме жасап, бес күн ішінде олардан орта салмақтағы белбеуді неліктен бос деп жарияламау себебін түсіндіруді талап еткен.

Еске салайық, 4 қазанда Жәнібек Әлімханұлы жаңазеландиялық Андрей Михайловичті жеңіп, IBF және WBO чемпиондық атақтарын қорғаған болатын.

Мәтіннен қате тапсаңыз, бізге жазыңыз