Қазақстандық кәсіпқой боксшы Сұлтан Заурбектің келесі жекпе-жегінің өтетін күні мен орны белгілі болды. Екінші жартылай жеңіл салмақта сынға түсіп жүрген боксшының бұл жекпе-жегі туралы ақпаратты KAZ.NUR.KZ BoxRec.com сайтына сілтеме жасап хабарлайды.
"Қазақ королі" лақапатымен танымал боксшы Сұлтан Заурбек (18-0, 13 КО) келесі жекпе-жегін 7 желтоқсанда Ирландияның Уотерфорд қаласында өткізеді. Оның қарсыласы польшалық боксшы Дамиан Вжесинский (28-3-2, 7 КО) болмақ.
Дамиан Вжесинский кәсіби мансабында 28 жекпе-жек өткізіп, 3 рет жеңіліс тапқан және екі рет тең түскен.
Еске сала кетейік, қазақстандық кәсіпқой боксшы Сұлтан Заурбек соңғы рет 21 маусымда Ұлыбританияның Болтон қаласында жекпе-жек өткізген болатын. Бұл жекпе-жекте екінші жартылай жеңіл салмақтағы WBA Continental аймақтық чемпиондық белбеуі сарапқа салынып, отандасымыз Сұлтан Заурбек аргентиналық Роман Рубенс Рейносоны жеңген.
Мақаланың түпнұсқасы: https://kaz.nur.kz/sport/boxing/2186868-ali-zhengilmegen-qazaq-boksshysy-sultan-zaurbek-ringke-qashan-oralatyny-belgili-boldy/
