Бокстан Азия чемпионатына қатысатын Өзбекстан ерлер құрамасы анықталды. Команда сапында этникалық қазақ Мадияр Саидрахимов та бар. Бұл туралы KAZ.NUR.KZ Азия бокс конфедерациясының ресми сайтына сілтеме жасап хабарлайды.
Өзбекстан құрамасы барлық 13 салмақ дәрежесінде сынға түседі. Этникалық қазақ Мадияр Саидрахимов 92 килограмға дейінгі салмақта бақ сынамақ. Саидрахимов – 2021 жылғы әлем чемпионатының қола жүлдегері, 2022 жылғы Азия чемпионатының күміс медаль иегері, 2019 жылғы дүниежүзілік әскерилер ойынының жеңімпазы.
Бокстан Азия чемпионатына қатысатын Өзбекстан құрамасы:
- Шодиержон Меликузиев (48 кг);
- Асилбек Джалилов (51 кг);
- Шахзод Музаффаров (54 кг);
- Дильшод Абдумуродов (60 кг);
- Адхамджон Мухиддинов (63,5 кг);
- Муджибулло Турсунов (67 кг);
- Хавасбек Асадуллаев (71 кг);
- Джавохир Умматалиев (75 кг),
- Турабек Хабибуллаев (80 кг),
- Джасурбек Юлдашев (86 кг),
- Мадияр Саидрахимов (92 кг),
- Джахонгир Зокиров (+ 92 кг).
Еске салайық, бокстан Азия чемпионатына қатысатын Қазақстан ерлер құрамасы жасақталған еді.
Мақаланың түпнұсқасы: https://kaz.nur.kz/sport/boxing/2192363-ishinde-qazaq-boksshysy-da-bar-aziia-chempionatyna-qatysatyn-ozbekstan-quramasy-anyqtaldy/
