Орта салмақтағы WBO және IBF тұжырымы бойынша әлем чемпионы Жәнібек Әлімханұлы Қызық Times бағдарламасына берген сұқбатында қазақ бокс мектебінің өзіндік орны бар екенін айтты. Бұл туралы KAZ.NUR.KZ хабарлайды.
Қазақстандық кәсіпқой боксшы Жәнібек Әлімханұлы Қызық Times бағдарламасына берген сұқбатында жігіттердің Олимпиададағы сәтсіздіктерін уақытша деп қабылдап, қазақ бокс мектебінің әлемдік деңгейде өз орны бар екенін айтты.
"Олимпиаданы көрдік. Олимпиада – төрт жылда бір келетін үлкен дода. Бұл жерде жеңіс те болады, жеңіліс те болады. Иә, біздің қазағымыздың сәті келмеген шығар. Бірақ Қазақстандағы бокс өнері, бокс мектебі әлем бойынша бірінші орында тұр. Оны мен айтып жатқан жоқпын. Бұл туралы мамандар айтады, әлемдік деңгейдегі жаттықтырушылар айтады, халықаралық ұйымдар айтады", - деді Жәнібек Әлімханұлы.
Еске салайық, Жәнібек Әлімханұлы соңғы рет 4 қазанда Сиднейде (Аустралия) жаңазеландиялық Андрей Михайловичпен (21-0, 13 КО) жұдырықтасып, нокаутпен ұтқан еді. Осылайша кәсіпқой рингте 16-рет жеңіске жетті (11-і нокаутпен).
Мақаланың түпнұсқасы: https://kaz.nur.kz/sport/boxing/2195030-alemde-birinshi-orynda-zhanibek-alimhanuly-qazaq-boks-mektebining-martebesi-zhogary-ekenin-aitty/
