Біріккен күрес әлемі (UWW) 2024 жылғы Париж Олимпиадасына іріктеу турнирлері өтетін аймақтарды атады. Бұл туралы ұйымның ресми сайтына сілтеме жасаған KAZ.NUR.KZ хабарлайды.
Күрестен Париж Олимпиадасына іріктеу турнирі 2023 жылдың қыркүйегінде Сербия астанасы Белградта өтетін әлем чемпионатында басталады. Әлемдік сында күрес түрлерінен 90 жолдаманың тағдыры шешіледі.
Азия аймақтық іріктеу турнирін Қырғызстан астанасы Бішкек қабылдайды. Ал бүкіләлемдік Олимпиадаға іріктеу турнирі Түркияның Стамбул қаласында өткізілмек.
Панамерикадағы іріктеу сынын Мексика, Африка мен Океания аймағындағы бәсекені Египет, Еуропа іріктеу турнирін Әзірбайжан қабылдайды.
Әрбір аймақтық іріктеу турнирінде 36 квота сарапқа салынады. Ал ең соңғы іріктеу сынында 54 лицензия ойнатылады.
Мақаланың түпнұсқасы: https://kaz.nur.kz/sport/fight/2026708-alemdik-uiym-kuresten-pariz-olimpiadasynyn-irikteu-turnirleri-otetin-elderdi-atady/
