Дзюдодан кадеттер арасындағы әлем чемпионы Нұрлан Исатаев Ресейде туып өскен. Алайда ол өзінің туған жеріне оралуды жөн санаған, деп хабарлайды "Дядя Ваня" Telegram арнасы.
Спортшы Қазақстан азаматтығын биыл алған.
"Әкем екеуміз Қазақстан азаматтығын 2023 жылы алдық. Бұл ретте бапкерім Алтынбек Сұпағалиевтің көмегі зор болды. Сондай-ақ ол Загребтегі әлем чемпионатында көмектесті. Біз - қазақпыз. Тарихи отанымызда өмір сүріп, туған тілімізде сөйлегіміз келеді.
Оралға келгенде маған бәрі өатты ұнады. Мені жылы қабылдады. Әлем чемпионатында жеңіске жеткен соң жергілікті билік пәтер сыйлады. Қазір жақындарым Орынборда тұрады, бірақ қонаққа келіп тұрады", - дейді Исатаев.
Айта кетелік, Нұрлан Исатаев дзюдодан Загребте өткен әлем біріншілігінде чемпион атанды. Осылайша, Қазақстанға әлемдік сынның алтын жүлдесін сыйлады.
Мақаланың түпнұсқасы: https://kaz.nur.kz/sport/fight/2035378-biz-qazaqpyz-dzyudodan-alem-cempiony-atangan-sportsy-reseiden-ne-usin-ketip-qalganyn-aitty/
