Лаура Алмағанбетова қола жүлде үшін күресте қарсыласын уақытынан бұрын жеңді

Қазақстандық балуан Лаура Алмағанбетова Бішкекте (Қырғызстан) өтіп жатқан күрес түрлерінен Азия чемпионатында қола медаль иеленді. Бұл туралы KAZ.NUR.KZ тілшісі хабарлайды.

Әйелдер күресінен 57 кг салмақта сынға түскен Лаура Алмағанбетова қола жүлде үшін күресте қырғызстандық балуан Сезім Жұманазарованы уақытынан бұрын жеңді.

Айта кетейік, Лаура жартылай финалда Жапония өкілі Тцугуми Сакурайға (11-0) есе жіберген еді.

Сондай-ақ бүгін, 14 cәуірде қазақстандық балуандар Ирина Казюлина (65 кг) мен Анастасия Панасович (72 кг) қола жүлдеге таласады.

Кешегі жарыс күнінде әйелдер күресінен Эльмира Сыздықова (76 кг) мен Диана Каюмова (59 кг) қола медальге ие болған еді.

Мәтіннен қате тапсаңыз, бізге жазыңыз