Дзюдодан Қазақстан ерлер құрамасының жаттықтырушылар штабы келесі ірі турнирге қатысатын команданың құрамын жариялады. Аталмыш құрамда 2018 жылғы Азия ойындарының чемпионы Дидар Хамза да бар, деп хабарлайды KAZ.NUR.KZ Ұлттық Олимпиада комитетінің ресми сайтына сілтеме жасап.
"Үлкен дулыға" сериясының жарыстары 3-5 мамыр аралығында Тәжікстан астанасы Душанбеде өтеді. Қазақстан ерлер құрамасы сапында 13 спортшы жүлделі орындар мен рейтингтік ұпайлар үшін таласады.
60 кг дейін: Мағжан Шамшадин, Нұрқанат Серікбаев;
66 кг дейін: Еламан Сұлтанбай, Алмас Ғалымов;
73 кг дейін: Дастан Шаяхметов, Дархан Қойбағар;
81 кг дейін: Абылайхан Жұбаназар;
90 кг дейін: Аян Байғазы, Дидар Хамза;
100 кг дейін: Ислам Бозбаев, Нұрлыхан Шархан;
100 кг жоғары: Еламан Ерғалиев, Ерасыл Қажыбаев.
23 сәуірде Гонконгта дзюдодан Азия чемпионаты аяқталды. Бұл турнирде қазақстандық дзюдошылар төрт қола медаль жеңіп алды: үшеуі жекелей сында, біреуі командалық есепте.
Мақаланың түпнұсқасы: https://kaz.nur.kz/sport/fight/2090369-islam-bozbaev-pen-didar-hamza-halyqaralyq-turnirge-qatysatyn-qazaqstandyq-dziudoshylar-kim/
