Қазақстандық балуан грек-рим күресінен әлем чемпионатының алтынын жеңіп алды

Күрес түрлерінен 20 жасқа дейінгі спортшылар арасында өтіп жатқан әлем біріншілігінде қазақстандық балуан Ислам Евлоев финалда өнер көрсетті. Бұл туралы KAZ.NUR.KZ хабарлайды.

Грек-рим күресінен 82 кг дейінгі салмақ дәрежесінде өнер көрсететін қазақстандық балуан Ислам Евлоев финалдық бәсекеде түркиялық Альперен Бербермен белдесті.

Ислам Евлоевтың жартылай финалдағы қарсыласы бозкілемге шықпады.

Айта кетейік, грек-рим күресінен 67 кг дейінгі салмақ дәрежесінде тағы қазақстандық балуан Юсуп Ашрапов финалдық кезеңде ирандық Ахмадреза Мохсен Нежадтан 0:2 есебімен жеңіліп қалды.

Испаниядағы әлем чемпионатында күрескен тағы үш қазақстандық балуан Айбек Айтбеков (55 кг), Оңдасын Хамитов (60 кг) және Темірлан Тұрдақын (87 кг) қола жүлде жеңіп алған еді.

Мәтіннен қате тапсаңыз, бізге жазыңыз