Күрес түрлерінен 20 жасқа дейінгі спортшылар арасында өтіп жатқан әлем біріншілігінде Ризабек Айтмұхан финалда өнер көрсетті. Бұл туралы KAZ.NUR.KZ хабарлайды.
Еркін күрестен 97 кг дейінгі салмақ дәрежесінде өнер көрсететін қазақстандық балуан Ризабек Айтмұхан финалдық бәсекеде Әзірбайжан елінің өкілі Хетаг Карсановпен белдесті.
Ризабек Айтмұхан жарыстың алғашқы айналымында ирандық Аболфазл Давуд Бабалуды 12:1 есебімен, ал ширек финалда грекиялық Николаос Караваносты 12:1 есебімен айқын басымдықпен жеңген болатын. Жартылай финалда ол америкалық балуан Джастин Ли Радемахерден 9:1 есебімен басым түсті.
Айта кетейік, Ризабек Айтмұхан 2023 жылы Сербияның Белград қаласында өткен ересектер арасындағы әлем чемпионатында алтын жүлде иеленген болатын. Осылайша ол тәуелсіз Қазақстанның еркін күрес тарихында әлем чемпионы дәрежесіне жеткен тұңғыш балуан атанды.
Мақаланың түпнұсқасы: https://kaz.nur.kz/sport/fight/2158570-rizabek-aitmuhan-erkin-kuresten-alem-chempiony-atandy/
