Хорватияның Загреб қаласындағы дзюдодан әлемдік Гран-при турниріне қатысатын қазақстандық спортшылардың алғашқы айналымдағы қарсыластары анықталды. Бұл туралы KAZ.NUR.KZ Ұлттық Олимпиадалық комитеттің ресми сайтына сілтеме жасап хабарлайды.
Әлемдік Гран-при турнирі 13-15 қыркүйек аралығында болады. Қазақстан намысын төрт дзюдошы қорғайды.
Қазақстандың дзюдошылардың алғашқы қарсыластары:
Ерлер:
- 60 кг: Шерзод Давлатов – Ариель Шульман (Израиль);
- 66 кг: Жанарыс Рахметқали бірінші айналымда бос.
Әйелдер:
- 48 кг: Ғалия Тынбаева - Джулия Гильоне (Италия);
- +78 кг: Ақерке Рамазанова - Марчелина Враньеш (Хорватия).
Еске салайық, Перудің Лима қаласында өткен дзюдодан жасөспірімдер арасындағы әлем чемпионатында қазақстандық спортшы Санжар Ерұланұлы алтын медаль жеңіп алған еді. 90 кг салмақ дәрежесінде белдескен ол финалда украиналық қарсыласы Лебид Дмитроны уақытынан бұрын иппон ұпайымен жеңді. Бұл – Санжар Ерұланұлының әлем чемпионатындағы алғашқы жүлдесі. Осыған дейін ол 2024 жылы дзюдодан жасөспірімдер арасында Қазақстан чемпионы атанған.
Мақаланың түпнұсқасы: https://kaz.nur.kz/sport/fight/2161036-dziudodan-alemdik-gran-pri-turniri-qazaqstandyq-sportshylardyng-algashqy-qarsylastary-anyqtaldy/
