Әйелдер күресінен Қазақстан ұлттық құрамасының бас бапкері тағайындалды
Опубликовано:
Нұрсұлтан Теміров әйелдер күресінен Қазақстан ұлттық құрамасының бас жаттықтырушысы қызметіне тағайындалды. Бұл туралы еліміздің Күрес федерациясына сілтеме жасаған KAZ.NUR.KZ хабарлайды.
Федерацияның мәліметінше, ҚР еңбек сіңірген жаттықтырушысы Нұрсұлтан Теміров еңбек жолын 2014 жылы бастаған.
Әр жылдары жасөспірімдер және жастар құрамасының, сонымен қатар ұлттық құраманың аға жаттықтырушысы қызметін атқарған.
Үш жыл бойы әйелдер күресінен мемлекеттік жаттықтырушы болған.
Сондай-ақ ол әлем чемпионатының төрт дүркін жүлдегері Жәмиля Бақбергенова және тағы басқа спортшылардың жеке жаттықтырушысы.
Естеріңізге сала кетейік, бұған дейін еркін күрестен Қазақстан ұлттық құрамасының бас жаттықтырушысы болып белгілі балуан Данияр Қайсанов тағайындалған еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/fight/2342715-aielder-kuresinen-qazaqstan-ulttyq-quramasynyng-bas-bapkeri-tagaiyndaldy/