Футболдан Қазақстан құрамасы Шотландияға есе жіберді (видео)

Футболдан Қазақстан ұлттық құрамасы Еуропа чемпионатына іріктеу турнирінің соңғы турында Шотландиямен кездесіп, 3:1 есебімен ұтылып қалды деп хабарлайды KAZ.NUR.KZ.

Сырт алаңда өнер көрсеткен ұлттық құрама есепті бірінші болып ашты. Ойынның 34 минутында Бақтияр Зайнутдинов айып алаңының сыртынан гол соқты.

Бірінші таймда осы есеп өзгерген жоқ.

Посмотреть эту публикацию в Instagram

Публикация от Instagram

Матчтың екінші кезеңінде алаң иелері Непогодов қорғаған қақпаға бір сәтте шабуылдауды тоқтатқан жоқ. Соның нәтижесінде Шотландия құрамасы жауапсыз 3 гол соқты.

48 минутта Джон Макгинн есепті теңестірсе, 68 минутта алаң иелерінің капитаны Стивен Нейсмит құрамасы үшін екінші голды соқты.

Онынның аяқталуына санаулы минуттар қалғанда Джон Макгинн Қазақстан қақпасынан саңылау тапты.

3:1 есебімен ұлттық құраманы жеңген Шотландия тобында үшінші орынға табан тіреді.

Ал 10 ұпайды қанжығасына байлаған Қазақстан бесінші сатыны қанағат тұтты.

Еске сала кетсек, футболдан Қазақстан ұлттық құрамасы өткен аптада Сан-Марино командасымен кездескен болатын. Нәтижесінде отандастарымыз сырт алаңда 1-3 есебімен жеңіске жетті.

Қазақстан құрамасы өнер көрсететін I тобында Бельгия мен Ресей Еуропа чемпионатына жолдама алды.

Мәтіннен қате тапсаңыз, бізге жазыңыз