Киевтік "Динамоның" алты ойыншысы "Барселонаға" қарсы өтетін Чемпиондар лигасындағы матч алдында коронавирус жұқтырып алды. Ақпаратты клубтың баспасөз қызметі растады деп хабарлайды РенТВ.
Атап айтқанда, Георгий Цитаишвили, Денис Гармаш, Миккель Дуэлунд, Александр Караваев, Тудор Бэлуцэ және Николай Шапаренконың тест талдаулары оң нәтиже көрсеткен.
Одан бөлек, коронавирус бас бапкердің ассистенті Эмиль Карас пен клубтың төрт қызметкерінен расталған.
Осыған дейін италиялық "Лацио" футбол клубы команданың бірнеше мүшесі коронавирус жұқтырғанын мәлімдеген еді. Клуб COVID-19 инфекциясына тапсырған тесті оң нәтиже көрсеткен спортшылардың есімін атаған жоқ. Ойыншылар өз-өзін оқшаулап жатыр, ойындардан шеттетілген.
Айта кетейік, бұған дейін италиялық "Ювентус" футбол клубының шабуылшысы Криштиану Роналдудан да коронавирус анықталған болатын. Футболшы жақында ауруды жеңіп шыққанын да мәлімдеген.
Ал жақында ДДСҰ бас директоры Тедрос Аданом Гебреисус COVID-19 жұқтырған адаммен байланысқа түскендіктен, өзін үйде оқшаулағанын мәлімдеді.
Одан бөлек, Сауд Арабиясы 1 қарашадан бастап кіші қажылық (умра) жасағысы келетін шетелдіктер үшін шекарасын толық ашты. Енді өзге елдегі мұсылмандар 1 қарашадан бастап Мекке мен Мединаға бара алады.
Мұнда жасқа байланысты шектеулер бар. Умраға ПТР анықтамасы теріс нәтиже көрсеткен 18 жастан 50 жасқа дейінгі мұсылмандар жіберіледі.
Мақаланың түпнұсқасы: https://kaz.nur.kz/sport/football/1882612-cempiondar-ligasy-matcyny-aldynda-dinamony-alty-ojynsysy-koronavirus-zktyrdy/
